मुंबई : - नालासोपारा अवैध शस्त्रसाठा प्रकरणात दहशतवाद विरोधी पथकाने वैभव राऊत, शरद कळसकर, सुधन्वा गोंधळेकरसह, श्रीकांत पांगरकरसह १२ आरोपींविरोधात तब्बल ६ हजार ८४२ पानांचे आरोपपत्र आज विशेष एनआयए कोर्टात दाखल केले.
आरोपींविरोधात भारतीय दंड संहिता, विस्फोटके कायदा, महाराष्ट्र पोलिस कायदा या कायद्यांबरोबरच दहशतवादी कारवायांच्या विरोधी असलेल्या बेकायदा कारवाया प्रतिबंधक कायद्याखाली (युएपीए) आरोपपत्र दाखल करण्यात आले आहे.
आरोपी सनातन संस्था, हिंदू जनजागृती समिती आणि अशाप्रकारच्या अन्य संस्थांशी संबंधित आहेत. 'क्षात्र धर्म साधना' या पुस्तकात म्हटल्याप्रमाणे हिंदू राष्ट्र निर्माण करण्याच्या उद्देशाने त्यांनी दहशतवादी तरुणांची टोळी बनवली, असेही एटीएसच्या आरोपपत्रात नमूद करण्यात आले आहे.
SHARE THIS
