देश सध्या कठीण प्रसंगातून जात आहे. ज्या भूमिने 'वसुधैव कुंटुबकम' आणि सहिष्णुतेचा सिद्धांत दिला, क्षमा करण्याची शक्ती दिली त्याच भूमीत असहिष्णुता वाढत आहे. मानवाधिकारांचे उल्लंघन होत आहे. सध्या अनेक संस्थेत तणाव निर्माण झाला आहे. त्यांच्या विश्वासावर प्रश्नचिन्ह उपस्थित केले जात आहे. सरकार आणि संस्था यांच्या कामकाजात संशय आणि भ्रम दोन्ही दिसत आहे, हे सर्व घडत आहे ते देशाच्या दृष्टीने अत्यंत चिंतेची बाब आहे, असे प्रणव मुखर्जी म्हणाले. केंद्र सरकार आणि रिझर्व्ह बँक ऑफ इंडिया यांच्यातील वादावर थेट भाष्य करणे त्यांनी टाळले परंतु,त्यांचा रोख मात्र केंद्रातील मोदी सरकारवर होता.
तत्ववाद आणि सहिष्णुतेचे स्वागत केले जाते त्यावेळी अनेक समाजाच्या सद्भावनांना प्रोत्साहन दिले जाते. ज्यावेळी आपण द्वेषाच्या विषाला हटवतो आणि आपल्या रोजच्या दैनंदिन जीवनात ईर्षा आणि आक्रमतेला दूर लोटतो त्यावेळी तेथे आपल्याला शांती आणि बंधुत्वाची भावना दिसते. ज्या देशात नागरिकांना मूलभूत अधिकार दिले जातात, ज्यांना सुरक्षा मिळते, स्वातंत्र्य दिले जाते, त्याच देशात लोक आनंदी दिसतात, असंही मुखर्जी म्हणाले.