मकसूद अली,
यवतमाल - विधिमंडळात बोन्डअळी ग्रस्त शेतकऱ्यांची शासनाने जाहीर केलेली हेक्टरी ३० हजार ते ३७ हजार ची मदत सरसकट व विनाविलंब देण्यात यावी या मागणीसाठी यवतमाळ जिल्हा शेतकरी संघर्ष समिती,काँग्रेस ,मनसे, राष्ट्रीय युवा संघटन,शेतकरी संघटना,शेतकरी वारकरी संघटना,बेंबला कालवे संघर्ष समिती यांनी पुकारलेल्या चक्री धरणे आंदोलनाच्या तिसऱ्या दिवशी शेतकऱ्यांनी आंदोलन स्थळी मुंडन करून शेतकऱ्यांच्या प्रश्नावर मूग गिळून बसलेल्या सरकार चा निषेध केला.आज आंदोलनाच्या तिसऱ्या दिवशी यवतमाळ-वाशीम लोकसभा मतदार संघाच्या शिवसेनेच्या खासदार भावनताई गवळी यांनी चक्री धरणे आंदोलनात शिवसेना पदाधिकाऱ्यांसह सक्रिय सहभाग घेतला.या प्रसंगी बोलताना त्यांनी शिवसेना सदैव शेतकरी आणि त्यांच्यासाठी लढणाऱ्यान सोबत राहली आहे.सरकारचे धोरण चुकीचे असून लोकसभेत आपण या विरोधात रान उठवू असा विश्वास शेतकऱ्यांना दिला.
