- गवळीपुरा येथील मदिना मस्जिद परिसरात पूरग्रस्तांना संसार उपयोगी साहित्याचे वाटप
विशेष प्रतिनिधि मक़सूद अली
दिग्रस :- दिग्रस शहरात १६ ऑगस्ट २०१८ रोजी आलेल्या महा प्रलयंकारी महापुरात हजारो घरे एका क्षणात उध्वस्त झाले होते, अनेकांच्या घराच्या भिंती सह छप्पर,भांडी-कुंडी सुद्धा या महापुराने वाहून नेले त्यामुळे अनेक कुटुंब उघड्यावर आले.या महापुरामुळे अनेकांच्या घरात घरामध्ये खायला अन्न,वस्त्र,निवारा सुद्धा शिल्लक राहिला नव्हता.तेव्हा अनेक ठिकाणी या पुरपीडितांना मदतीचा हात म्हणून राहायला समाजमंदिरे,शाळा व मंदिरात राहायला काही दिवसासाठी जागा देण्यात आली. मात्र आपला संसार चालवण्यासाठी स्वतःचे घरे असणे गरजेचे असते.
दिग्रस शहरात दि.१६ ऑगष्ट २०१८ रोजी आलेल्या या महापुरात शाळकरी विद्यार्थ्यांचे शैक्षणिक साहित्य सुद्धा वाहून गेले होते. अश्या विद्यार्थ्यांना शैक्षणीक साहित्य वह्या, पुस्तक,पेन, पेन्सिल,स्कूल बॅग सह विद्यार्थ्यांना वर्ग नुसार साहित्य वाटप करण्यात आले.
अनेक पुरपीडित महिला व पुरुषांनी जीवनावश्यक वस्तूचे दिग्रस येथील मदिना मस्जिद गवळीपुरा येथे वाटप होत असल्याची माहिती मिळताच गवळीपुरा येथील मदिना मस्जिद समोर मदतीसाठी आले तेव्हा त्यांना सुद्धा मदत करण्यात आली.पुरपीडितांना भेट स्वरूपात मिळालेल्या वस्तू स्वीकारत अनेक बेघर कुटुंबीयांनी जमियते उल्मा ए हिंद चे मनापासून आभार व्यक्त केले.
जमियते उल्मा ए हिंद दिग्रस यांच्या या अभिनव उपक्रमाचे सर्वत्र कौतुक होत आहेत.या सामाजिक कार्यात दिग्रस शहरातील मौलाना व सर्व मुस्लिम गवळी समाजातील सर्व बांधवांन्नी उपस्थित राहून सहकार्य केले.