- लोहारा तालुका कॉग्रेसची जिल्हा अधिकारी यांच्याकडे निवेदनाद्वारे मागणी
इकबाल मुल्ला
लोहारा/प्रतिनिधी
लोहारा व उस्मानाबाद तालुक्यातील शेतकऱ्यांना सोयाबीन व भुईमुग या पिकाला पिक विमा दिला नाही तरी प्रशासनाने व विमा कंपनीने पुन्हा पंचनामे करुन या पिकाचा पिक विमा देण्यात यावा,अशी मागणी लोहारा तालुका कॉग्रेस पार्टीने निवेदनाद्वारे लोहारा तहसीलदार मार्फत उस्मानाबाद जिल्हा अधिकारी यांच्याकडे केली आहे.
या निवेदनात म्हटले आहे कि,लोहारा व उस्मानाबाद तालुक्यातील शेतकऱ्यांनी शेतातील सोयाबीन व भुईमुग या पिकावर संरक्षण मिळवण्यासाठी कार्यालयाकडे आवश्यक असणारी विमा बाबत रक्कम भरली होती.शासनाने जिल्ह्यातील सर्वच तालुक्यातील पिक विमा मिळणाऱ्या पिकांची यादी जाहीर केली आहे.यामध्ये सोयाबीन व भुईमुग या पिकांचा उल्लेख नाही.जिल्ह्यातील लोहारा तालुका कमी पर्जन्यमान क्षेत्र म्हणुन शासनाने जाहीर केले आहे.2017 — 2018 च्या खरीप हंगामात अपेक्षेपेक्षा खुपच कमी पाऊस झाला आहे.त्यातच पाऊस झाला तो काळ पिक वाढीसाठी उपयुक्त नव्हता.त्यामुळे हाताशी आलेले शेतकऱ्यांचे सोयाबीन व भुईमुग हे पिक उत्पन्न देवु शकले नाही.पिकांच्या संरक्षणासाठी दोन्ही तालुक्यात शेतकऱ्यांनी शासनाच्या पिक विमा योजने अंतर्गत वेळेत पैसे भरले आहेत.शासकीय कर्मचाऱ्यांच्या दिरंगाई व आयोग्य पध्दतीने करण्यात आलेले पंचनामे व निष्काळजीपणा शेतकऱ्यांसाठी हाणीकारक ठरत आहे.शासकीय आकडेवारीनुसार प्रति हेक्टर 1091 किलो उत्पन्न दाखविण्यात आले आहे.ते पुर्णपणे चुकीचे आहे.2017 च्या खरीप हंगामात पिक कापणी प्रयोगात दोन तालुक्यात सोयाबीन उंबरठा उत्पादन अधिक दाखवल्याने शेतकऱ्यांना सोयाबीन पिकाला विमा मिळाला नाही.
पांडुरंग शेगजी,शरणप्पा वाले,विजय गुळवे,
बाबासाहेब चव्हाण,यांच्यासह कॉग्रेस कार्यकर्त्यांच्या सह्या आहेत.