इकबाल मुल्ला
लोहारा/प्रतिनिधी :-वैद्यकीय प्रवेश प्रक्रिया आणि त्याबाबत अत्यंत महत्त्वपूर्ण बाबींची माहिती देण्यासाठी वैद्यकीय शिक्षण व संशोधन विभागाचे संचालक डॉ.प्रवीण शिनगारे यांचे तुम्हाला डॉक्टर व्हायचंय? या विषयावर व्याख्यान आयोजित करण्यात आले आहे. दि.27 मे रोजी सायंकाळी 4 ते 7 या वेळेत नगर पालिकेच्या छत्रपती शिवाजी महाराज नाट्यगृह उस्मानाबाद येथे व्याख्यान होणार आहे.
जाहिरात
वैद्यकीय शिक्षण व संशोधन विभागाचे संचालक डॉ. प्रवीण सिनगारे वैद्यकीय प्रवेशातील प्रक्रिया अगदी ओघवत्या भाषेत समजावून सांगणार आहेत.त्यामुळे वैद्यकीय शिक्षण घेऊ इच्छिणार्या व वैद्यकीय प्रवेशाची प्रक्रिया समजून घेण्याची इच्छा बाळगणार्या विद्यार्थी व पालकांनी या कार्यक्रमास मोठ्या संख्येने उपस्थित राहावे,असे आवाहन संयोजन समितीच्या वतीने करण्यात आले आहे. व्याख्यानानंतर प्रश्नोत्तरे असे या कार्यक्रमाचे स्वरूप असून कार्यक्रम सर्वांसाठी निःशुल्क असल्याचेही संयोजकांनी कळविले आहे.