भारतभूमी विशेष हो कारण!
जगती नित्यनेमे संतावतरण!
अज्ञ जना करण्या उध्दारण!
सेवालाल प्रकटती!!
प्रकटती भक्त जन सेवालाल!
गहिवर मनी देखोनिया हाल!
जन जागरण केलेसे निहाल!
पावन केली ते!!
पावन केले बाबा बंजारा गोर!
भक्तीची प्रभात उगविले भोर!
कुप्रथा सारी दूर जाहले थोर!
श्रीहरि कृपे!!
जगदंबा भवानी कृपा श्रीहरि!
रामदेव संगे सेवाभाया मंदिरी!
रामकृष्णहरि गर्जती नर नारी!
जय सेवालाल!!
*थोर मानवतावादी :*
*संत श्री.सेवालाल महाराज*
*भारत ही संताची भूमी म्हणून* *ओळखली जाते.भारतात* *अनेक संत-महात्मे होवून गेलीत*.त्यापैकीच एक थोर मानवतावादी
संत म्हणजे
*'संत श्री सेवालाल महाराज'* होय.
त्यांचा जन्म तत्कालीन म्हैसुर प्रांतामध्ये सुवर्णकूप्पा येथे
15 फेब्रुवारी 1739 मध्ये झाला. आजीवन ब्रह्मचारी राहुन
दीन दुःखीतांच्या सेवेसाठी व सर्व प्राणीमात्राच्या कल्याणासाठी त्यांनी आपले संपूर्ण आयुष्य वेचले. देशभर दौरा केला. सुवर्णकूप्पा, गुट्टीबेल्लारी(आंध्रप्रदेश), उमरी-पोहरादेवी, रूईगड(महाराष्ट्र) असे विविध स्थळ महाराजांच्या पदस्पर्शाने मान्यता पावलेली आहेत.मध्यप्रदेशातील जिल्हा बरानपूर, ग्राम गम्भीरपूरा येथे महाराजांची मोठी यात्रा भरवली जाते.येथिल आदिवासी समुदाय महाराजांना ''शिवबाबा'' म्हणून संबोधतात.
देशातील अनेक प्रदेशात आज महाराजांचे हजारों मंदिर मोठ्या श्रध्देने उभारल्या गेली आहेत.
*"स्वतःची ओळख स्वतः करून द्या.*
*स्वतःच्या अंधारलेल्या जीवनातही स्वतःला दीप लावता येइल.*
*प्राणीमात्रावर, निसर्गावर प्रेम करावे.माणसाने माणुसकी जपावी. प्रत्येकाने राष्ट्रभक्ती जोपासावी."*
अशी शिकवण त्यांनी दिली.अंधश्रध्दा किंवा पशूबळीला संत शिरोमणी श्री.सेवालाल महाराजांनी कधीही थारा दिला नाही.
महाराजांची दूरद्रुष्टी अतीशय प्रेरक होती.
*"रुपयां कटोरा पाणी विकल्या जाईल.एका मुलखातली वार्ता दुसऱ्या मुलुखास क्षणात कळेल."*
अश्या अनेक बाबतीत महाराजांची भविष्यवाणी आजच्या तंत्रज्ञान युगात तंतोतंत सत्य ठरत आहे.
निजामाविरुद्ध महाराजांनी बंड देखिल पुकारला होता.भूमाफिया व सरंजामशाही विरुद्ध आवाज उठवत न्याय मिळवून दिल्याचे पुरावे आजही उपलब्ध आहे.
एक महान पराक्रमी, समृद्ध व्यापारी,एक तत्ववेत्ता, एक समाजसुधारक म्हणून संत श्री. सेवालाल महाराज यांची देशभर ख्याती आहे.
*महाराष्ट्रात वाशीम जिल्ह्यातील श्रीक्षेत्र पोहरादेवी ता.मानोरा येथे त्यांची पावन समाधी आहे.*
*येथे दरवर्षी रामनवमीला देशभरातून लाखो भाविक संत श्री.सेवालाल महाराजाचे कार्य व शिकवण सदैव स्मरणात राहील.
संतशिरोमणी सेवालाल महाराज यांचे प्रकटदिनानिमित्ताने त्यांच्या पावनस्मृतीस विनम्र-अभिवादन:- लेखक पवार चेतन रा:आलुर ता:उमरगा