नीलेश सूखसोहले
- आगग्रस्त कुटुंबियांची सहानुभूतीपूर्वक केली चौकशी
- आगग्रस्तांनी खचून जावू नये
- शासनाकडून जास्तीत जास्त मदत मिळवून दिली जाईल
- आगग्रस्तांना घरकुल दिले जाईल
अकोला, दि. 24 --- माता नगरात लागलेल्या भीषण आगीमधील बाधित कुटुंबांना शासनाकडून सर्वतोपरी मदत केली जाईल. त्यामुळे आगग्रस्त कुटुंबांनी खचून जावू नये, असा दिलासा पालकमंत्री डॉ. रणजीत पाटील यांनी आज आगग्रस्त कुंटुबियांना दिला.
शहरातील मातानगर परिसरातील झोपडयांना गुरुवारी अचानक आग लागली होती. यामध्ये अनेक कुंटुबियांचे नुकसान झाले. आगग्रस्त कुंटुबियांची आज पालकमंत्र्यांनी भेट घेऊन त्यांचे सात्वंन केले. यावेळी माजी महापौर उज्ज्वलाताई देशमुख, माजी नगराध्यक्ष हरिष अलीमचंदानी, नगरसेवक आशिष पवित्रकार, डॉ. अशोक ओळंबे पाटील, पालकमंत्र्यांचे विशेष कार्यकारी अधिकारी उज्ज्वल चोरे, तहसिलदार राजेश्वर हांडे, मनपाचे उपायुक्त दीपक पाटील आदी उपस्थित होते.
