नागरिकता संशोधन विधेयक संपूर्ण देशवासियांसाठी घातक -मुफ्ती रोशन कासमी

जमियात उलमा-ए- हिंद च्या वतीने हजारो मुस्लिम बांधवांनी मूक मोर्चा काढून केला विरोध.
उपविभागीय अधिकारी यांच्यामार्फत राष्ट्रपतींना पाठवले निवेदन

मुर्तीजापुर :- नागरिकता संशोधन विधेयक पारित झाल्याने हे विधेयक सांप्रदायिक असून असे कायदे संपूर्ण देशासाठी घातक आहे.या विधेयकाला जमियते उलमा-ए-हिंद द्वारा वेळोवेळी विविध आंदोलने लोकशाही मार्गाने करून विरोध करण्यात येईल. याबाबत वेळोवेळी वरिष्ठ पातळीवरून संघटनेद्वारे घेण्यात येणाऱ्या निर्णयानुसार आंदोलने करून विरोध सुरूच राहील.

सदर विधेयक धर्माच्या नावाने भेदभाव करणारे आहे. असे प्रतिपादन मूर्तिजापूर येथे जमियते- उलेमा-ए- हिंदचे मुफ्ती रोशन कासमी यांनी केले. मूर्तिजापूर येथे जमियते उलेमा च्या वतीने काढण्यात आलेल्या मूक मोर्चा नंतर उपविभागीय अधिकारी यांना शिष्टमंडळाचे वतीने निवेदन देऊन ते राष्ट्रपतींना पाठवण्यात व आले.

सदर मूक मोर्चाला हजरत रोशन जमीर गेट रोशनपुरा येथून शांततेत आणि शिस्तीने सुरुवात झाली.या मूक मोर्चाचा समारोप पोलीस स्टेशनच्या बाजूला असलेल्या ईदगाह मैदानावर झाला. यावेळी मोर्चामध्ये सहभागी हजारो मुस्लिम बांधवांनी काळ्या फिती बांधल्या होत्या. तसेच विविध घोषवाक्याचे फलक हाती घेऊन सदर विधेयकाचा विरोध करण्यात आला. ईदगाह येथे सदर विधेयकाचा विरोध करणाऱ्या मूक मोर्चा चे समारोपानंतर शिष्टमंडळाने उपविभागीय कार्यालयात जाऊन उपविभागीय अधिकारी यांचेमार्फत राष्ट्रपतींना निवेदन दिले.

या शिष्टमंडळात मुफ्ती रोशन कासमी(विदर्भ सचिव), मौलाना सद्रोद्दिन(तालुका अध्यक्ष),मुन्ना उर्फ अख्तर हुसेन खतीब,सैय्यद अजहरअली नबाब, हाफीज अबूबकर,तसवरखान, हाफीज कौसर, जुनेद खतीब, समिउल्लाखान,निजाम इंजिनियर,हाफिज सलीम,शेख इम्रान,सैय्यद जुनेद,युनूसखान, सद्दाम पटेल, हाफीज शरीफ, नासिरोद्दिन ठेकेदार,मुक्ती सफदर,दिनेश दुबे यासह इतर मान्यवरांचा सहभाग होता.