वृत्तसंस्था, नवी दिल्ली :- गाझियाबादमधील औषध कंपनीने तयार केलेल्या पोलिओ लसीत ‘टाइप टू’ विषाणू आढळल्याने केंद्रीय आरोग्य मंत्रालयाने याप्रकरणी चौकशीचे आदेश दिले आहेत. तर, या कंपनीच्या व्यवस्थापकीय संचालकाला अटक करण्यात आली आहे.
सरकारच्या पोलिओ लसीकरण मोहिमेसाठी गाझियाबादमधील बायोमेड प्रा. लि. या औषध निर्माण कंपनीतर्फे लसींचा पुरवठा केला जातो. शून्य ते पाच वयोगटाच्या बालकांना तोंडावाटे दिल्या जाणाऱ्या या लसीमध्ये ‘टाइप टू’ विषाणू आढळल्याने केंद्रीय औषध नियामकांनी एफआयआर दाखल केला. त्यावरून कंपनीच्या व्यवस्थापकीं संचालकाला अटक करण्यात आली आहे.
- महाराष्ट्रात वापर थांबवला
पोलिओ लसीत विषाणू आढळल्याच्या वृत्तामुळे राज्यातील नागरिकांनी घाबरून जाऊ नये. केंद्र सरकारच्या सूचनेनुसार संबंधित कंपनीने तयार केलेल्या लसींचा वापर ११ सप्टेंबरपासून राज्यात थांबवण्यात आला आहे, अशी माहिती आरोग्य मंत्री डॉ. दीपक सावंत यांनी येथे दिली.