- अभियोग्यता धारक धडकले उपविभागीय कार्यालयावर
- संस्थाचालकांच्या विरोधाला डि एड , बि एड विद्यार्थांचा विरोध
उमरखेड : - शासनाने पवित्र पोर्टल द्वारे शिक्षकांच्या भरतीचा निर्णय घेतला असतांना संस्था चालक याचा विरोध करीत असुन त्यांचा विरोध झुगारून शासनाने सिईटी निर्णयानुसार शिक्षक भरती करण्यात यावी यासह ईतर मागण्यायासंदर्भात आज ता २८ रोजी डी एङ , बी एड अभियोग्यता धारकांनी उपविभागीय कार्यालयावर धडक देऊन निवेदन सादर केले .
अभियोग्यता धारकांनी गांधी चौकातुन मोर्चा काढून उपविभागीय कार्यालयावर नेला . त्या ठिकानी नायब तहसीलदार सुधीर देशमुख यांनी निवेदन स्विकारले .
शिक्षक भरती प्रक्रियेत सर्व अधिकार शासनाकडे असावे , भरती प्रक्रियेचा कालबद्ध कार्यक्रम लवकर जाहीर करावा , जास्त पदांची शिक्षक भरती विनाविलंब घेण्यात यावी , शासकीय अनुदानीत खाजगी अल्पसंख्यांक शाळा वरील भरती शासनामार्फतच घेण्यात यावी व सन २०१२ नंतर सेवेत रुजु झालेल्या टी इ टी अपात्र शिक्षकांची सेवा त्वरीत खंडीत करण्यात यावी या मागण्या निवेदनात नमुद करुन संस्थाचालकांच्या मनमानी कारभाराचा निषेध व्यक्त करण्यात आला . यावेळी विशाल गिरी , मो. इर्षाद ,रणजीत चव्हाण , नरेश ठमके , पांडूरंग मोरे , सै. अजहर , गणेश शिरडकर , सुरेश काळे , गजानन दामोदर ,फीरोज नवाब सह शेकडो अभियोग्यता धारक उपस्थीत होते .
SHARE THIS
