भोपाळ :- एका ठरावीक विचारसरणीचा प्रसार किंवा समविचारी लोकांना एकत्र आणण्यासाठी आजकाल व्हॉट्सअॅपवर सर्रास ग्रुप केले जातात. तुम्ही ग्रुप व्हॉट्सअॅपवर अॅडमिन असाल तर सावधान! कारण ग्रुपचा अॅडमिन असलेला जुनैद खान हा २१ वर्षीय युवक गेल्या पाच महिन्यांपासून तुरुंगवास भोगत आहे. व्हॉट्सअॅपच्या एका फीचरमुळं त्याच्यावर ही वेळ आली आहे. व्हॉट्सअॅप ग्रुपच्या मूळ अॅडमिननं ग्रुप सोडल्यानंतर त्याच्या जागी दुसरी व्यक्ती अॅडमिन बनते असं अपडेट काही दिवसांपूर्वी व्हॉट्सअॅपवर आलं होतं. याच फीचरमुळं जुनैद पाच महिन्यांपासून तुरूंगाची हवा खात आहे.
जुनैदच्या आधी ग्रुपचा अॅडमिन असलेल्या इमराननं ग्रुपमध्ये एक वादग्रस्त पोस्ट शेअर केली आणि ग्रुप सोडून दिला. त्यानं ग्रुप सोडल्यानंतर जुनैद हा त्या व्हॉट्सअॅप ग्रुपचा डिफॉल्ट अॅडमिन बनला. इमराननं शेअर केलेल्या वादग्रस्तमुळं या व्हॉट्सअॅप ग्रुपच्या अॅडमिन विरुद्ध पोलिस ठाण्यात तक्रार करण्यात आली. पण इमरानं ग्रुप सोडल्यानं नवीन अॅडमिन जुनैद पोलिसांच्या कचाट्यात सापडला.
जुनैद हा बीएससीचा विद्यार्थी असून, यावर्षी १४ फेब्रुवारीला आयटी कायद्याच्या कलम १२४ अंतर्गत राजद्रोहाच्या आरोपाखाली त्याला अटक करण्यात आली होती. आजही तो या आरोपाखाली तुरुंगात असून राजद्रोहाच्या आरोपाखाली अटक झाल्यामुळं कोर्टाने जुनैदला जामीन नाकारला आहे. त्यामुळे त्याला परिक्षेलाही बसता आले नाही. जुनैदला जेव्हा अटक झाली तेव्हा त्याचे कुटुंबिय काहीच बोलले नाहीत. आता हा विषय कोर्टात गेल्यानंतर त्याचे कुटुंबीय समोर येऊन स्प