इकबाल मुल्ला
लोहारा/प्रतिनिधी ,:- लोहारा तालुक्यातील जेवळी येथील गुरू सिद्धेश्वर विरक्त मठाचे मठादिपती मनिप्र गंगाधर महास्वामी यांचे अधिक मास निमित्ताने तेलंगणा राज्यातील श्रीशैल्य मल्लिकार्जुन येथे एकवीस दिवसाच्या सातव्या मौन व्रत अनुष्ठानास प्रारंभ झाला आहे.
भारतात असलेल्या बारा ज्योतिर्लिग पैकी एक स्थान तेलंगणा राज्यातील श्रीक्षेत्र श्रीशैल्य मल्लिकार्जुन येथे आहे. अधिकमास निमित्त जेवळी येथील गुरू सिद्धेश्वर विरक्त मठाचे मठादिपती मनिप्र गंगाधर महास्वामी यांच्या एकवीस दिवसाच्या सातव्या मौनव्रत तपोअनुष्ठानास मंगळवार ता 22 रोजी प्रारंभ झाला आहे.या मौनव्रत अनुष्ठान निमित्त दररोज ञिकाल इष्टलिंग महापूजा, विधिवत महापूजाअर्चा धार्मिक पद्धतीने सुरू आहेत. अखंड मानव जाती व विश्वकल्याण हेतू तसेच धर्माचे रक्षण व्हावे यासाठी हे मौनव्रत अनुष्ठान सुरू आहे.
जाहिरात