इकबाल मुल्ला
लोहारा/प्रतिनिधी :- परंडा येथील गटविकास अधिकारी विजयसिंह नेलवाडे व सहाय्यक प्रशासन अधिकारी सि.जे.पाकले यांना प्रहार जनशक्ती च्या कार्यकर्त्यांनी केलेल्या मारहाणीचा निषेधार्थ लोहारा पं.स.च्या सर्व कर्मचारी संघटनेनी काळ्या फिती लावुन गेली चार दिवसापासुन लेखणी बंद आंदोलन सुरु केले आहे.
दि.23 फेब्रुवारी पासुन आजतगायत लोहारा प्रशासकीय इमारती समोर पं.स.च्या कर्मचाऱ्यांनी या मारहाण घटनेचा जाहीर निषेध करुन काळ्या फिती लावुन गेली चार दिवसापासुन सर्व कामकाज बंद केले आहे.या आंदोलनात सहाय्यक प्रशासन अधिकारी पी.एम.चौगुले,सहाय्यक लेखा अधिकारी बि.जे.नलावडे,कनिष्ठ प्रशासन अधिकारी पी.एस.
लिंबाळकर,वरिष्ठ सहाय्यक लिपीक डी.ए.वाघमारे,
विस्तार अधिकारी वी.बी.पवार,विस्तार अधिकारी एस.एस.ढाकणे,एस.एस.बिराजरार,एन.ए.पटेल,एम.आय.चौधरी,व्ही.डी.सुरवसे,बी.जी.बिराजदार,जी.एस.बिराजदार,आर.एस.सुरवसे,बी.बी.कदारे,यांच्यासह सर्व कर्मचारी व अधिकारी सहभागी झाले होते.