भंडारा, दि.19 :- छत्रपती शिवाजी महाराज शेतकरी सन्मान योजनेंतर्गत अर्जदारांची माहिती व बँकेकडील माहिती यांचा काही प्रकरणात ताळमेळ लागत नाही. असे अर्जदार शेतकरी लाभापासून वंचित राहू नये, यासाठी या शेतकऱ्यांच्या यादया भंडारा जिल्हा मध्यवर्ती सहकारी बँकेच्या संपूर्ण 46 शाखांच्या सूचना फलकांवर लावण्यात आल्या आहेत. अर्जदार शेतकऱ्यांनी यादीत आपले नावाची शहनिशा करुन पुढील कार्यवाहीसाठी शाखा व्यवस्थापकाशी संपर्क साधावा, असे आवाहन सरव्यवस्थापक जिल्हा मध्यवर्ती सहकारी बँक भंडारा यांनी केले आहे.छत्रपती शिवाजी महाराज शेतकरी सन्मान योजना 2017 चा महाराष्ट्र शासनाच्या योजनेंतर्गत भंडारा जिल्हयातील शेतकऱ्यांनी दाखल केलेले अर्ज व योजनेच्या निकषानुसार जिल्हा मध्यवर्ती सहकारी बँकांनी त्यांच्याकडे असलेल्या कर्ज खात्याची माहिती सादर केलेली होती. या योजनेंतर्गत दाखल केलेले ऑनलाईन अर्ज, अनुषंगिक माहिती व बँकेच्या स्तरावर उपलब्ध असलेल्या माहितीची सांगड घालून त्यांचेवर संगणकीय प्रक्रिया करण्यात आली होती व या प्रक्रियेत जे अर्जदार या योजनेंतर्गत पात्र ठरले त्या शेतकऱ्यांना शासनाकडून प्राप्त झालेल्या ग्रिन लिस्ट प्रमाणे कर्जमाफी व प्रोत्साहनपर लाभ देण्यात आलेला आहे. तसेच त्यानुसार या जिल्हयात योजनेची अंमलबजावणी सुरु आहे.परंतु ही कार्यवाही करत असतांना अर्जदाराची माहिती व बँकेकडील उपलब्ध असलेली माहितीमध्ये ताळमेळ घालणे शक्य नसल्याचे आढळून आल्याने व असे अर्जदार शेतकरी या योजनेंतर्गत लाभापासून वंचित राहू नये, या करीता त्यांची पात्रता व अपात्रता निश्चित न झाल्याप्रकरणी कार्यपध्दती अवलंबवयाची आहे. त्यास अनुसरुन जिल्हा मध्यवर्ती सहकारी बँकेला ताळमेळ होवू न शकणारी यादी प्राप्त झाली असून त्या याद्या जिल्हयातील भंडारा मध्यवर्ती सहकारी बँकेतील संपूर्ण 46 शाखांच्या सूचना फलकावर जाहिर करण्यात आलेल्या आहेत. संबंधित बँक शाखेला संलग्न असलेल्या विविध कार्यकारी सहकारी संस्थेच्या या योजनेंतर्गत अर्ज केलेल्या अर्जदार शेतकऱ्यांनी संबंधित शाखा व्यवस्थापक यांचेशी साधावा. याबाबत जिल्हयातील अर्जदार शेतकऱ्यांना याद्वारे अवगत करण्यात येत आहे.जिल्हयातील विविध कार्यकारी सहकारी संस्थेच्या ऑनलाईन अर्ज सादर केलेल्या अर्जदार शेतकऱ्यांनी शाखा स्तरावर जाहिर केलेल्या यादीमध्ये आपल्या नावाची शहानिशा करुन पुढील आवश्यक कार्यवाहीसाठी संबंधित शाखा व्यवस्थापकाशी संपर्क साधावा, असे आवाहन सरव्यवस्थापक, जिल्हा मध्यवर्ती सहकारी बँक भंडारा यांनी केले आहे.
Subscribe to:
Post Comments (Atom)